Qasym-Jomart Toqaev Shetel ınvestorlary keńesiniń jańa múshelerin tanystyrdy
NUR-SULTAN. QazAqparat – QR Prezıdenti janyndaǵy Sheteldik ınvestorlar keńesiniń 34-jalpy otyrysynda Memleket basshysy Qasym-Jomart Toqaev keńestiń jańa múshelerin tanystyrdy, dep habarlaıdy QazAqparat tilshisi.
«Sizderdi keńestiń jańa múshelerimen tanystyrǵym keledi. Olar Bela Ferentsı, Gerı Neıgl, Ýve Knottser, Nıkolıa Terras, Kırstı Helen Ýılson, Vadım Vorobev, Tıtsýıa Shınohara», - dedi Qazaqstan Prezıdenti.
Sonymen qatar Memleket basshysy Shetel ınvestorlary keńesiniń baıqaýshylaryn da tanystyryp ótti.
«Keńestiń baqylaýshylary retinde Fransýa Jakov, Mıshel Sımons jáne Lorentso Sımonellıdi de atap ótkim keledi» - dedi Qasym-Jomart Toqaev.
Aıta keterligi, QR Prezıdenti janyndaǵy Sheteldik ınvestorlar keńesiniń 34-jalpy otyrysynyń taqyryby ekonomıkany kómirteksizdendirýge jáne tómenkómirtekti tehnologııalardy engizýge arnalǵan.
