Qasym-Jomart Toqaev Semeıdegi Jedel járdem aýrýhanasynyń jumysymen tanysty
SEMEI. QazAqparat - Qazaqstan Prezıdenti Qasym-Jomart Toqaev Semeıdegi Jedel medıtsınalyq járdem aýrýhanasyna bardy, dep habarlaıdy QazAqparat Aqor daǵa silteme jasap.
Memleket basshysyna óńirdegi densaýlyq saqtaý júıesiniń damý barysy jóninde málimet berilip, oblystyń osy salada jetken jetistikteri týraly baıandaldy.
Sondaı-aq, Qazaqstan Prezıdenti «100 mektep - 100 aýrýhana» baǵdarlamasy aıasynda salynǵan kópsalaly aýrýhananyń jumysymen tanysty. Qasym-Jomart Toqaevqa medıtsınalyq mekemeniń emdeý-saýyqtyrý, ota jasaý bólmeleri kórsetilip, negizgi qyzmet baǵyty jóninde málimet berildi.
Jalpy aýmaǵy 44,5 myń sharshy metr bolatyn aýrýhanada 800-den astam qyzmetker jumys isteıdi. Bir ýaqytta 345 naýqasty qabyldap, alǵashqy medıtsınalyq qyzmet alady.
Qazaqstan Prezıdenti Jedel medıtsınalyq járdem aýrýhanasynyń qyzmetkerlerimen áńgimelesý barysynda óńirde mamandandyrylǵan joǵary tehnologııalyq medıtsınalyq mekemelerdiń, respýblıkalyq ǵylymı ortalyqtardyń bólimshelerin ashý jóninde aýqymdy jumystar júrgizilip jatqanyn aıtty. Densaýlyq saqtaý salasyn tolyqtaı tsıfrlandyrýdyń mańyzdylyǵyna toqtaldy.
Sońynda Qazaqstan Prezıdenti medıtsınalyq mekeme ujymyna tabys tiledi.
