Qasym-Jomart Toqaev Rjevtegi sovet soldatyna arnalǵan memorıalǵa bardy

RJEV. QazAqparat - Memleket basshysy Reseıdiń Tver oblysyna jasaǵan sapary aıasynda Rjevtegi sovet soldatyna arnalǵan memorıalǵa gúl shoǵyn qoıý rásimine qatysty, dep habarlaıdy QazAqparat Aqordaǵa silteme jasap.

Prezıdent qurmet qaraýylymen birge eskertkishke gúl shoǵyn qoıyp, qaza tapqan jaýyngerlerdiń rýhyna taǵzym etti. Bıiktigi shamamen 25 metr bolatyn qoladan quıylǵan soldat músini on metrlik qorǵan tóbeniń basyna ornatylǵan. Qurysh qabyrǵalarda Otan qorǵaýshy jaýyngerlerdiń esimderi jazylǵan.

Rjev shaıqasy – qandy qyrǵyn bolǵan eń surapyl soǵystyń biri. Keńes áskeri bul jerde, iz-túzsiz joǵalǵandar men jaralanǵandardy qosa alǵanda, 1,3 mıllıonnan astam adamynan aıyryldy.