Qasym-Jomart Toqaev Rım Papasy Frantsıskke kóńil aıtý jedelhatyn joldady

ASTANA. QazAqparat - Memleket basshysy óziniń jedelhatynda Rım Papasy XVI Benedıkttiń ómirden ozǵany týraly sýyt habardy tereń kúızelispen qabyl alǵanyn jetkizdi, dep habarlaıdy QazAqparat Aqordanyń resmı saıtyna silteme jasap.

– Katolık shirkeýiniń burynǵy kóshbasshysyn álemge tanymal rýhanı qaıratker, beıbitshilik pen ózara túsinistikti, gýmanızm ıdeıalaryn ilgeriletý jolynda qajyrly eńbek sińirgen uly tulǵa dep bilemiz. Adamzat balasyna amanat etilgen qundylyqtardy qorǵaýǵa aıtarlyqtaı úles qosqan Asa Qasıetti XVI Benedıkttiń jarqyn beınesi álem jurtshylyǵynyń jadynda máńgi saqtalady. Qaraly sátte qaıǵylaryńyzǵa ortaqtasyp, Qazaqstan halqynyń jáne jeke ózimniń atymnan kúlli katolık qaýymyna kóńil aıtamyn, – dep jazylǵan jedelhatta.

Foto: vaticannews.va