Qasym-Jomart Toqaev Reseıge birlesken mýltımodaldik tasymal baǵdarlamasyn qabyldaýdy usyndy
«Qazaqstan men Reseı birlesip eksporttaýshylarǵa Eýropa men basqa da elderdiń transporttyq habtaryn baılanystyratyn balama marshrýttar jelisin usyna alady. Jýyqta Shyǵys ekonomıkalyq forýmynda aıtqanymdaı, elderimizdiń kólik vedomstvolarynyń turaqty ózara áreketi úlken mańyzǵa ıe bolyp keledi. Sondyqtan, búgin mýltımodaldik tasymaldy damytý boıynsha birlesken baǵdarlama qabyldaýdy usynamyn», - dedi Memleket basshysy.
Aıta keteıik, Prezıdent Qasym-Jomart Toqaev sharaǵa onlaın formatta qatysýda.
Forým barysynda Qasym-Jomart Toqaev Reseı Prezıdenti Vladımır Pýtınge epıemdııanyń alǵash bastalǵan kezeńinde Qazaqstanǵa kórsetken kómegi úshin rızashylyǵyn bildirdi.
«Reseı qaıtarymsyz negizde dári-dármek zattaryn jetkizip, test-júıesin usyndy. Qazaqstandyq azamattardy evakýatsııalaýǵa jan-jaqty kómek kórsetti. Birneshe apta boıy reseılik dárigerler qazaqstandyq áriptesterimen ıyq tirestire júrip, eń kúrdeli óńilerde jumys istedi, ózderiniń kásibı mindetterin adal atqardy. Tájirıbelerimen jáne bilimderimen bólisti. Osynaý kezeńde yntymaqtastyǵymyzdyń jeke mańyzdy kezeńi bizderdiń júzbe-júz ýaǵdalastyǵymyzdy júzege asyrý úshin Qaraǵandy farmatsevtıkalyq kesheni bazasynda Spýtnık V reseılik vaktsınasy óndirisiniń iske qosylýy boldy. Munyń barlyǵy da Reseı Qazaqstannyń strategııalyq seriktesi, odaqtasy ekendigin dáleldedi», - dedi Qazaqstan Prezıdenti.