Qasym-Jomart Toqaev «Radýga» JShS-nyń óndiristik áleýetimen tanysty
PETROPAVL. QazAqparat - Qazaqstan Prezıdenti «Radýga» JShS-nyń óndiristik áleýetimen tanysty, dep habarlaıdy Aqordanyń baspasóz qyzmeti.
Memleket basshysy óńirge jumys sapary barysynda metall plastıkalyq ónimder shyǵaratyn «Radýga» zaýytyna bardy.
Qasym-Jomart Toqaevqa óndiristik tsehtar tanystyryldy. Prezıdentke kompanııanyń jumysy týraly málimet berilip, shyǵaratyn ónimderi kórsetildi.
Kásiporyn dırektory Dmıtrıı Sharapaev zaýytta 1,5 myń adam jumys isteıtinin, ónimniń 500-den astam túri shyǵarylatynyn aıtty. Kompanııa shyǵaratyn ónimder elimizdiń barlyq aımaqtaryna jóneltiledi, sondaı-aq, Reseıdiń iri qalalaryna da eksporttalady.
