Qasym-Jomart Toqaev Prezıdenttiń ne úshin bir merzimge saılanýy kerektigin túsindirdi
«Halyq únine qulaq asatyn memleket» tujyrymdamasyna basa mán berilip otyr. Bul aýqymdy jumysty búkil qoǵamymyz birlese atqardy. Degenmen, osymen toqtap qalýǵa bolmaıdy. Bárimiz osy sara jolmen ilgeri júrýimiz kerek.
Taǵy bir asa mańyzdy reforma – Prezıdenttiń bir ǵana merzimge saılanýy. Bizdiń aımaqtaǵy qaı memleketti alyp qarasańyz da, mundaı ózgeris múldem bolmaǵan. Sondyqtan bul reforma demokratııa jolyndaǵy batyl qadam dep senemin. Táýekelge bel býsaq ta, osyndaı sheshim halqymyzdyń jarqyn bolashaǵy úshin kerek dep kámil senemin», - dedi Qasym-Jomart Toqaev.
Ol b ul reforma ne úshin jasalmaq degen suraqqa da jaýap berdi.
«Másele mynada: Prezıdenttik laýazymǵa kóp jyl boıy bir ǵana adam ıe bolmaýy kerek. Álemde bolsyn, bizdiń elimizde bolsyn, kóp jyl boıy bir ǵana adam eń joǵary laýazymǵa ıe bolsa, mundaı jaǵdaı elge de, memleket basshysyna da abyroı ákelmeıdi. Biz bolashaqqa nyq senimmen qarap, adal, daryndy saıasatkerlerge jol ashýymyz kerek. Jalpy, jurt bizdiń saıası júıeni ózgertý týraly josparymyzdyń mán-mańyzyn jaqsy túsinip otyr», - dedi Prezıdent.
Memleket basshysy k ezekten tys Prezıdent saılaýy bıylǵy 20 qarashaǵa belgilengenin eske saldy. Sodan soń bul naýqandy zańǵa sáıkes, ádil jáne ashyq ótkizýge ýáde berdi. Túrkistandyqtar da saılaýǵa belsene qatysyp, óz tańdaýlaryn jasaıtynyna senim bildirdi.
