Qasym-Jomart Toqaev: Prezıdent saılaýynda halyq artqan senimdi aqtaý - eń basty mindet

ASTANA. QazAqparat - Azamattarymyz naqty oń ózgerister búgin jáne qazir bolady dep úmittenip otyr. Osy úmit pen senimdi aqtaý – aldymyzda turǵan eń basty mindet. Prezıdent tóraǵalyǵymen ótip jatqan Úkimettiń keńeıtilgen otyrysynda Memleket basshysy Qasym-Jomart Toqaev osylaı dedi.

«Jýyrda ótken Prezıdent saılaýy – bul halyqtyń bizge artqan zor senimi jáne qoldaýy. Azamattarymyz naqty oń ózgerister búgin jáne qazir bolady dep úmittenip otyr. Osy úmit pen senimdi aqtaý – aldymyzda turǵan eń basty mindet ári qasterli paryz.
Sondyqtan, saılaý aldyndaǵy baǵdarlamany júzege asyrý úshin arnaıy jospar qabyldandy. Barlyq is-shara ýaqtyly jáne tolyq oryndalýy kerek. Árbir mınıstrdiń, ákimniń jumysy statıstıkamen, esep-qısappen emes, naqty nátıjemen ólshenetin bolady», - dedi QR Prezıdenti.