Qasym-Jomart Toqaev Prezıdent retindegi basty mindetin atady
JAMBYL OBLYSY. QazAqparat - Memleket basshysy Qasym-Jomart Toqaev Prezıdent retindegi basty mindetin atady. Bul týraly QazAqparat Prezıdenttiń baspasóz hatshysy Berik Ýálıge silteme jasap habarlaıdy.
«Prezıdent retinde men úshin basty mindet - bıliktiń halyq aldyndaǵy jaýapkershiligin arttyrý. Memlekettik bıliktegi bizdiń qaǵıdamyz: Kúshti, quziretti Prezıdent - Sılnyı, polnomochnyı Prezıdent. Yqpaldy, qabiletti Parlament - Vlııatelnyı, deesposobnyı Parlament. Esep beretin, kásibı Úkimet - Podootchetnoe, professıonalnoe Pravıtelstvo. Halqymyzdy mazalaıtyn strategııalyq máseleler qoǵam pikirin eskere otyryp, qajet jaǵdaılarda referendým arqyly sheshimin tabýy kerek. Mine, osy mindetterdi oryndaý úshin jumys isteımiz!», - dedi Memleket basshysy.
Osy oraıda Prezıdent mańyzdy isterge eldiń árbir turǵyny belsene atsalysatynyna senim artty.
«Búgin Jambyl oblysyna qatysty negizgi máseleler kóterildi. Oblys ákimi osy mindetterge basa mán berip, naqty sharalar qabyldaý úshin Úkimetpen tyǵyz baılanysta jumys isteýi kerek» - dep málimdedi Qazaqstan Prezıdenti Qasym-Jomart Toqaev Jambyl oblysynyń jurtshylyǵy ókilderimen kezdesýinde.
Eske salsaq, buǵan deıin QR Prezıdenti jumys saparymen Jambyl oblysyna kelgendigi týraly habarlaǵan bolatynbyz.
Atalǵan óńirge sapar kezinde Memleket basshysy Jambyldaǵy týrıstik salaǵa qatysty tıisti tapsyrmalar bergen edi.
