Qasym-Jomart Toqaev: Pikir ártúrli - halyq birtutas

NUR-SULTAN. QazAqparat - Búgin Aqordada otandyq jáne sheteldik BAQ ókilderine arnalǵan baspasóz máslıhatynda QR Prezıdenti Qasym-Jomart Toqaev tilshilerdiń saýalyna oraı saılaý kúnindegi zańsyz sherýlerge qatysty pikir bildirdi, dep habarlaıdy QazAqparat tilshisi.

«Meniń tarapymnan quqyq qorǵaý organdaryna saılaý qarsańynda barynsha ustamdylyq tanytý týraly tapsyrma berildi jáne sherýler kezinde olar muny jasady da. Aldaǵy ýaqytta da olar ózderin dál osylaı ustaıtyn bolady», - dedi Qazaqstan Prezıdenti.

Memleket basshysy árbir azamattyń pikirin bildirýge quqy bar ekendigin aıtyp, bul oraıda ózara is-áreketter konstrýktıvti dıalog formatynda bolýy tıistigin eskertti.

«Azamattar tarapynan aıtylǵan narazylyqtarǵa qatysty aıtar bolsam, onda dıalog formatyn túbegeıli túrde usynýy tıis dep sanaımyn. Men Qoǵamdyq senim komıteti qurylatyndyǵyn buǵan deıin aıttym. Onyń quramyna bizdiń qoǵamnyń túrli toptarynyń ókilderi kiredi jáne onda biz pikir almasa alamyz. Meniń túbegeıli ustanymym: túrli pikirler bola alady, biraq, bizde ult birtutas. Pikir ártúrli - halyq birtutas»,- dedi Qasym-Jomart Toqaev.