Qasym-Jomart Toqaev pen Vladımır Pýtın qandaı máselelerdi talqylaıdy
NUR-SULTAN. QazAqparat - QR Prezıdenti Qasym-Jomart Toqaev alǵashqy resmı saparyn Máskeýden bastaıdy. Bul týraly búgin QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.
«3 sáýirde QR Prezıdenti Qasym-Jomart Toqaev Reseı Federatsııasyna resmı saparmen barady. Bul - Q.Toqaevtyń Memleket basshysy retindegi alǵashqy sheteldik sapary bolmaq. Sapar baǵdarlamasynyń negizgi tarmaǵy RF Prezıenti V.Pýtınmen aradaǵy kelissózderge arnalady», - dedi ol.
Resmı ókildiń aıtýynsha, eki el kóshbasshylary kezdesýiniń kún tártibi saıası, saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyq máselelerin, sondaı-aq óńirlik ári halyqaralyq taqyryptaǵy ózekti máselelerdi qamtıdy.
«Sapar aıasynda birqatar ekijaqty qujattarǵa qol qoıý josparlanǵan», - dedi A.Smadııarov.
