Qasym-Jomart Toqaev pen Kerolın Braýn halyqaralyq jaǵdaı týraly pikir almasty
ASTANA. QazAqparat - Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Ulybrıtanııanyń Qazaqstandaǵy Elshisi Kerolın Braýndy onyń ótinishi boıynsha qabyldady.
Senat Tóraǵasy Ulybrıtanııa premer-mınıstri Devıd Kemeronnyń byltyrǵy jyly jazda Qazaqstanǵa saparynyń mańyzy erekshe bolǵanyn atap ótti. Onyń Prezıdent N.Nazarbaevpen kelissózderi eki eldiń saýda-ekonomıkalyq jáne saıası salalardaǵy yntymaqtastyǵynyń sapalyq turǵyda arta túsýine negiz qalady. Osyǵan baılanysty Q.Toqaev eki el parlamentteri arasynda ekijaqty negizde, sondaı-aq EQYU parlamenttik assambleıasy aıasynda baılanystardy odan ári damytý jaıynda aıtty.
Júzdesý kezinde halyqaralyq jaǵdaı týraly pikir almasyldy. K.Braýn Ýkraınadaǵy óristeı túsken shıelenisterdiń jalǵasýyna alańdaýshylyq bildirdi. Q.Toqaev halyqaralyq jaǵdaı úshin uzaqqa sozylǵan zardaptarymen eleýli máselege aınalǵan ýkraın daǵdarysynan shyǵý joldaryn izdeýdegi Prezıdent N.Nazarbaevtyń belsendi kúsh-jigerine brıtan elshisiniń nazaryn aýdardy.
