Qasym-Jomart Toqaev pen Emomalı Rahmon Qazaqstandaǵy Tájikstannyń mádenıet kúnderin ashty

ASTANA. QazAqparat - Qasym-Jomart Toqaev pen Emomalı Rahmon Qazaqstandaǵy Tájikstannyń mádenıet kúnderin ashty, dep habarlaıdy QazAqparat.

Aqordanyń áleýmettik jelidegi resmı paraqshasynda jazylǵandaı, memleketter basshylary Tájikstannyń Qazaqstandaǵy mádenıet kúnderiniń ashylý rásimine qatysty. Shara eki el arasyndaǵy dıplomatııalyq qatynastardyń 30 jyldyǵyna oraı uıymdastyrylyp otyr.

«Astana Opera» teatrynda tájiktiń «Zebo», «Gýlrez», «Parastý» bı ansamblderi, sondaı-aq Amırdjon Rýzı, Sharofat Ýsmonzoda, Sıtoraı Karomatýllo, Tahmına Nıezova, Rahmatýllo Hoshım, Fotımaı Hýdoıberdı jáne taǵy basqa ánshiler óner kórsetti«, - dep jazylǵan aqparat kózinde.

Tájikstannyń Qazaqstandaǵy mádenıet kúnderi 23-26 tamyz aralyǵynda ótedi. Shara aıasynda tájik kınematografııasynyń jaýhary sanalatyn «Rýstam men Sýhrob» kórkem fılmi kórsetildi.