Qasym-Jomart Toqaev Pavlodar oblysy kásiporyndarynyń ónimderimen tanysty
Kórmege tamaq jáne qaıta óńdeý, aýyl sharýashylyǵy sondaı-aq metallýrgııa, mashına jasaý, qurylys ındýstrııasy, munaı hımııasy jáne farmatsevtıka salalaryndaǵy kásiporyndar qatysty.
Qasym-Jomart Toqaev aımaqtaǵy kásiporyndardyń ónimder kórmesin aralap kórip, jergilikti kásipkerlermen áńgimelesti.
Bıznes-qoǵamdastyq ókilderimen áńgimelesý barysynda Prezıdent shaǵyn jáne orta kásipkerlikti damytýda sony serpilis jasap, qajetti yntalandyrýlar men preferentsııalardy pysyqtaý qajet ekenin aıtty.
Eske salaıyq, Prezıdent Q.Toqaev jumys saparymen Pavlodar oblysynda júr.
Memleket basshysy Ekibastuzdaǵy jylý elektr ortalyǵynda júrgizilip jatqan jóndeý jumystarymen tanysty.
Premer-Mınıstrdiń birinshi orynbasary Roman Sklıar Ekibastuz qalasyndaǵy jylýmen qamtý júıesin jańǵyrtýǵa Úkimet tarapynan kórsetilgen qoldaý sharalary týraly baıandady.
Q.Toqaev JEO jaǵdaıymen tanysqan soń jergilikti turǵyndarmen áńgimelesti.
Kópbalaly ana Aıana Smaǵulova qalada balalardyń bos ýaqytyn tıimdi ótkizip, olardyń jan-jaqty damýyna arnalǵan Shyǵarmashylyq úıin salyp berýdi surady.
Al qalalyq Ardagerler keńesiniń tóraǵasy Samat Ramazanov jylý júıesindegi jóndeý jumystaryn jeke baqylaýyna alýdy jáne qalalyq «Shahter» saıabaǵyn jóndeýdi ótindi.
