Qasym-Jomart Toqaev: Pandemııaǵa eshkim de daıyn bolǵan joq
NUR-SULTAN. QazAqparat – Pandemııaǵa eshkim de daıyn bolǵan joq. Bul týraly Memleket basshysy Qasym-Jomart Toqaevtyń Tótenshe jaǵdaı rejımin qamtamasyz etý jónindegi memlekettik komıssııanyń otyrysynda aıtty, dep habarlaıdy QazAqparat.
«Tipti, eń damyǵan elder de ózderiniń olqy tustary men kemshilikterin kórip, qorytyndy jasap jatyr desem artyq emes. Óıtkeni, pandemııaǵa eshkim de daıyn bolǵan joq.
Buryn-sońdy bolmaǵan aýyr daǵdarystan bizdiń halqymyz shırap, jańa kezeńge beıimdelip shyǵatynyna senimdimin. Qazaqstan mindetti túrde osy qıyndyqty eńserip, turaqty jáne sapaly órkendeý jolyna túsedi.Jalpy, daǵdarys bul elimizdiń keleshegi men onyń aldaǵy damýy týraly tereń oılanýǵa múmkindik beredi. Sondyqtan, bárimiz bir el bolyp belsendi jumys júrgizýimiz kerek», - dedi Prezıdent.
Eske salsaq, Memleket basshysy Tótenshe jaǵdaı rejımin qamtamasyz etý jónindegi memlekettik komıssııanyń otyrysynda sóılegen sóziniń tolyq mátinin jarııalaǵan bolatynbyz.