Qasym-Jomart Toqaev ozat oqýshylarmen kezdesedi
NUR-SULTAN. QazAqparat - QR Bilim jáne ǵylym mınıstrliginiń ókili Erjan Ersaıynov 1 maýsymda Halyqaralyq balalardy qorǵaý kúnine arnalǵan qandaı is-sharalar ótetinin aıtty, dep habarlaıdy QazAqparat tilshisi.
«1 maýsymda Respýblıkada Halyqaralyq balalardy qorǵaý kúnine arnalǵan 600-den astam is-shara ótedi. Onyń ishinde 154 qaıyrymdylyq sharasy josparlanǵan. Balalar merekesine arnalǵan negizgi sharanyń biri erteń bolady. ıAǵnı, 31 mamyrda Qazaqstan Respýblıkasynyń Prezıdenti Qasym-Jomart Toqaev Aqordada oqý ozattarymen kezdesedi», - dedi Balalar quqyqtaryn qorǵaý komıtetiniń tóraǵasy Erjan Ersaıynov.
Al 1 maýsymda Qazaqstan Respýblıkasynyń Bilim jáne ǵylym mınıstri túrli jaǵdaılarda erlik jasaǵan «jas batyrlarmen» kezdesedi. Sondaı-aq, bul kúni Nur-Sultan qalasyndaǵy "Barys-Arena" aýmaǵynda "Juldyzaı-2019" respýblıkalyq balalar shyǵarmashylyǵy festıvaliniń dástúrli gala - kontserti ótedi.
«1 maýsym kúni respýblıkanyń barlyq óńirinde balalar men jastar ansamblderi men orkestrleriniń sherýi uıymdastyrylady. Halyqaralyq balalardy qorǵaý kúni qarsańynda QR Bilim jáne ǵylym mınıstrligi 15 mamyr men 15 maýsym aralyǵynda jalpy respýblıkalyq "Nurly bolashaq" aktsııasyn jarııalaǵan bolatyn», - dedi mınıstrlik ókili.
