Qasym-Jomart Toqaev: Ótken saılaý elimiz úshin damýdyń jańa paraǵyn ashty

NUR-SULTAN. QazAqparat - Ótken saılaý elimiz úshin damýdyń jańa paraǵyn ashty. bul týraly 7-shi shaqyrylǵan Parlamenttiń 1-shi sessııasyn ashqan QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Quramy jańǵyrǵan jańa Májilistiń qyzmetke kirisýi elimiz úshin sımvoldyq máni bar eki oqıǵamen túspa-tus keledi. Biz qasterli Táýelsizdigimizdiń 30 jyldyq mereıli belesine qadam bastyq. Sondaı-aq qazirgi zamanǵy Qazaqstan parlamentarızmi shırek ǵasyrlyq beleske jetti. Osy tarıhı kezeńde senim mandatyna ıe bolǵan depýtattar el úmitin aqtap, otanymyzǵa adal qyzmet etti dep kámil senemin», - dedi Memleket basshysy.

QR Prezıdenti ótken saılaý elimiz úshin damýdyń jańa paraǵyn ashqanyn basa aıtty.

«Osy mańyzdy oqıǵa memlekettigimizdiń tuǵyry bıik ekenin taǵy bir márte dáleldedi. Qazaqstan qoǵamynyń joǵary saıası mádenıetin jáne azamattyq kemeldigin tanytty. Barlyq óńirdegi daýys berý nátıjesi memlekettiń strategıııalyq baǵytyn halyq jappaı qoldaıtyndyǵyn baıqatty. Biz bolashaqqa senimmen bet alý úshin qajetti alǵysharttardy birge jasadyq. Saıası ustanymdarymyz ártúrli bolsa da mindetimiz bir. Bárimizdiń ortaq maqsatymyz - Qazaqstandy qýatty elge aınaldyrý», - dedi Qasym-Jomart Toqaev.