Qasym-Jomart Toqaev Ortalyq Azııa men Qytaı mınıstrlikteriniń konsýltatsııalyq qyzmetin qurýdy usyndy
«Qazaqstan Qytaıǵa eksporttaıtyn 135 túrli taýardyń jetkizilim kólemin ósirýge áleýetti. Onyń ishinde organıkalyq aýyl sharýashylyǵy ónimi men azyq-túlik eksportynyń kólemin 1 mlrd dollardan arttyrýǵa bolady. Osyǵan baılanysty birlesken joldardy pysyqtaý úshin ózara saýda jáne kólik baılanysy boıynsha «Ortalyq Azııa+Qytaı» mınıstrlikter konsýltatsııasy» tetigin iske qosýdy usynamyn», - dedi ol «Ortalyq Azııa – QHR» sammıtinde.
Shara barysynda QR Prezıdenti «Qytaı men Ortalyq Azııa halyqtarynyń dostyǵy» forýmyn ótkizý bastamasyna qoldaý bildirdi.
Aıta keteıik, Memleket basshysy Qasym-Jomart Toqaev «Ortalyq Azııa – QHR» sammıtine qatysýda.
Sammıtke QHR Tóraǵasy Sı Tszınpın, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japparov, Túrikmenstan Prezıdenti Gýrbangýly Berdimuhamedov, Tájikstan Prezıdenti Emomalı Rahmon beınekonferentsııa rejıminde qatysyp otyr.
