Qasym-Jomart Toqaev ońtústik jurtshylyǵyna josparlaryn aıtty
«Búgin jumys saparymen Túrkistan oblysy jáne Shymkent qalasynda boldym. Onda jurtshylyq ókilderimen josparlarymdy bólistim. Alda atqaratyn qyrýar jumys tur. Sabaqtastyqty saqtaý, ádilettilikti qoldaý jáne ilgerileýdi qamtamasyz etý - eń basty mindetimiz», - dep jazdy Memleket basshysy Tvıterdegi paraqshasynda.
Aıta keteıik, Q.Toqaev Túrkistan oblysynyń jurtshylyǵymen kezdesý barysynda ákimderge ımıdjdik is-sharalardy azaıtý týraly tapsyrma berip, ákimderdiń jylyna bir ret halyqqa esep berý kezdesýleri kózboıaýshylyq ekenin ashyq aıtty. Al Shymkentke saparynda Qasym-Jomart Toqaevtyń nazaryna Shymkent City qalashyǵy men áýejaıdyń jańadan salynatyn termınalynyń, sondaı-aq, tsıtadel Qoshqar ata ózeniniń boıy jáne «Turan» shaǵynaýdanynyń jobalary usynyldy.