Qasym-Jomart Toqaev óńirlerdiń basty problemalaryn atady
NUR-SULTAN. QazAqparat - Búgin Aqordada otandyq jáne sheteldik BAQ ókilderine suhbat bergen QR Prezıdenti Qasym-Jomart Toqaev óńirlerdegi sheshimin kútip turǵan basty problemalardy atady, dep habarlaıdy QazAqparat tilshisi.
«Rasynda saılaý naýqany kezinde men aımaqtardyń barlyǵyn aralap shyqtym. Árbir aımaqtyń óz ereksheligi bar. Ol zańdy nárse, degenmen, árbir aımaq bizdiń elimizdiń damýyna óz úlesin qosyp otyr. Al shyndyqty aıtsaq, elimizde túıini sheshilmegen máseleler bar. Men olardy jaqsy bilemin, sizder de jaqsy bilesizder. Bul - medıtsınanyń sapasy, jalaqynyń tómendigi, ekologııa, aýyz sýmen qamtamasyz etý jáne taǵy basqalary. Sondyqtan bul ózekti máselelerdi biz basty nazarǵa alamyz», - dedi Memleket basshysy.
Qazaqstan Prezıdenti osy oraıda Úkimetke tısti tapsyrmalar beretindigin basa aıtty.
«Qazirgi tańda naqty sheshimder qabyldaý kerek. Halyq bizden osy sheshimderdi kútip otyr. Halyq uzaq sózderden ábden sharshady. Sondyqtan men Prezıdent retinde osy jumyspen mindetti túrde aınalysamyn», - dedi Qasym-Jomart Toqaev.
