Qasym-Jomart Toqaev Nursultan Nazarbaevpen qalaı tanysqanyn aıtyp berdi
Q. Toqaev ol kezde Beıjińde QHR Sovet odaǵynyń elshiliginde jumys istep júrgen.
«Nursultan Nazarbaevpen 1985 jyly qyrkúıek aıynda tanystym. Nazarbaev Beıjińge Joǵarǵy Keńestiń delegatsııasyn bastap keldi. Bul - eki memlekettiń ara-qatynasy rettelgen Gorbachev saparynan 4 jyl buryn bolǵan oqıǵa. ıAǵnı, N. Nazarbaev 1985 jyly-aq QHR tóraǵasynan bastap, barlyq laýazymdy tulǵalarymen kezdesip, eki memlekettiń ymyralasýyna úles qosty. Sol sátte Nazarbaev menen «Qazaqsyń ba?» dep surady. «Árıne, qazaqpyn» dep jaýap berdim. Esinde saqtap qalsa kerek. Keıin 1992 jyly Sovet odaǵy ydyraǵan soń Máskeýdegi Qazaqstannyń turaqty ókildiginde kezdeısoq kezdestik. Sonda ol maǵan tanymal óleń joldarymen «Shınelińdi alyp úıge qaıt» dedi. Osydan tanystyǵymyz bastaldy», - dedi Q. Toqaev.
Prezıdent Elbasy sabaqtastyǵynyń qalatynyn, biraq el basqarý stılderiniń uqsamaıtynyn atap ótti.
«Ár adam - ındıvıdıým. Nursultan Ábishulynyń qaıtalanbas stılin kóshirip alý oıymda joq. Ol - memleketimizdiń negizin qalaýshy, Eýrazııalyq ıntegratsııany qurǵan. Sondyqtan, onyń baǵytyna sabaqtastyqty qamtamasyz etemin dep málimdedim. Bul eń aldymen Qazaqstan úshin qajet. Bizge túbegeıli, astań-kesteń ózgeris qajet emes. Sovet odaǵynyń tarıhynan da belgili, ár basshy kelgen saıyn ózine deıingini umyttyryp, jańa saıasatqa kóshti. Bul qoǵamǵa úlken jik saldy, tipti Sovet odaǵy sekildi alpaýyt memleket ydyrady. Men tabıǵatymnan aıǵaıshyl emespin. Meniń jınalystarym tynysh ótedi, eń ózekti máseleni talqylaý 40 mınýttan aspaıdy. Ádettegi jınalystar 10-15 mınýttyń aınalasynda. Qytaıdy kóp zerttegendikten, Lao-Tszynyń naqyl sózin ustanamyn: eń jumsaq kúsh eń qattynyń ózin eńseredi», - dedi Qasym-Jomart Toqaev.