Qasym-Jomart Toqaev nemis kompanııalaryn Qazaqstanǵa ınvestıtsııa salýǵa shaqyrdy

ASTANA. QazAqparat – Memleket basshysy Qasym-Jomart Toqaev nemis kompanııalaryn Qazaqstanǵa ınvestıtsııa salýǵa shaqyrdy, dep habarlaıdy QazAqparat tilshisi.

«Bizdiń yntymaqtastyǵymyzdyń negizgi sektory – munaı men gaz, óndiris, mashına jasaý, kólik, logıstıka, jańaratyn energııa, aýyl sharýashylyǵy. Qansha sala bolsa, sonsha sektor bar. Biz Germanııanyń jańa kompanııalaryn Qazaqstandaǵy jasyl ósimge, ınnovatsııaǵa, sýtegine, jasyl energetıka óndirisine ınvestıtsııa salýǵa shaqyramyz», - dedi Qasym-Jomart Toqaev elimizge memlekettik saparmen kelgen Germanııanyń Federaldy Prezıdenti Frank-Valter Shtaınmaıermen keńeıtilgen quramdaǵy kelissóz barysynda.

Memleket basshysy búgin elordada ótetin birlesken bızneske úlken úmit artatyndyǵyn basa aıtty.

«Búgin tústen keıin ótetin Qazaqstan-german ınvestıtsııalyq forýmynan zor úmitimiz bar. Menińshe, bul forým men onyń aıasynda úkimettik ári bıznes deńgeıinde qol jetkiziletin kelisimder saýda jáne ınvestıtsııalyq yntymaqtastyǵymyzdy nyǵaıtýǵa tyń serpin beredi dep oılaımyn», - dedi Prezıdent.