Qasym-Jomart Toqaev Nazarbaev zııatkerlik mektebinde boldy

PAVLODAR. QazAqparat - Qazaqstan Prezıdenti Qasym-Jomart Toqaev Nazarbaev zııatkerlik mektebine bardy, dep habarlaıdy QazAqparat Aqordanyń baspasóz qyzmetine silteme jasap.

Memleket basshysy oqýshylarmen jáne muǵalimdermen áńgimelesý barysynda búkil elimiz boıynsha qurylǵan Nazarbaev zııatkerlik mektepteriniń jelisi oqytýǵa jáne damytýǵa zor múmkindikter beretinin aıtty.

Memleket basshysy «BUU modeli» klýbynyń jumysymen tanysyp, robotty tehnıkaǵa baılanysty ótkizilip jatqan jarysqa bardy. Qazaqstan Prezıdentine hımııa-bıologııa baǵyty boıynsha oqytatyn oqý ornynyń materıaldyq-tehnıkalyq bazasynyń jaǵdaıy, zamanaýı mýltımedıalyq quraldarmen jabdyqtalýy jóninde málimet berildi.