Qasym-Jomart Toqaev nan men et baǵasyna qatysty pikir bildirdi
«Men Úkimettiń nazaryn azyq-túlik baǵasynyń kúrt ósýine jol bermeýge aýdarǵym keledi. Birinshiden, bul halyq kóp tutynatyn nan men et ónimderine qatysty. 22 qazandaǵy jaǵdaı boıynsha, Qazaqstandaǵy áleýmettik mańyzy bar azyq-túlik taýarlary baǵasynyń ósýi 8,8% -dy qurady, al Almatyda bul kórsetkish 10% -ǵa jetti. Azyq-túlik baǵasynyń ósý faktisi ekonomıkamyzdyń osaldyǵynyń aıqyn kórsetkishi ekenin moıyndaý kerek. Máselen, osy ahýaldy syrtqy naryqtardaǵy konıýnktýramen baılanystyrý orynsyz», - dedi Memleket basshysy Almaty qalasynyń áleýmettik-ekonomıkalyq damýyna arnalǵan keńeste.
Prezıdent Úkimet ekonomıkalyq ósimniń jańa núktelerin qurý boıynsha qosymsha sharalar ázirlegenin atap ótti.
«Qazir bul sharalardy jedel iske asyrý qajet. Áıtpese, bizde kúrdeli problemalarǵa tap bolamyz. Ekonomıkany ártaraptandyrý saıasaty ary qaraı jalǵasýy kerek», - dedi Qasym-Jomart Toqaev.
