Qasym-Jomart Toqaev Mıýnhen qaýipsizdik konferentsııasyna qatysady
Bul týraly QR Syrtqy ister mınıstri Muhtar Tileýberdi QR Parlamenti Májilisinde aıtyp berdi.
«Qazaqstan Prezıdenti Qasym-Jomart Toqaevty bul konferentsııaǵa uıymdastyrýshylar shaqyrdy. Árıne, ol shaqyrýdy qabyl alyp, qatysatynyn aıtty. Maǵan de jeke shaqyrtý kelip tústi. Men de Prezıdentpen birge osy koferentsııaǵa qatysamyn», - dedi M. Tileýberdi.
Onyń aıtýynsha, Mıýnhen konferentsııasy aıasynda Prezıdent pen mınıstrdiń ekijaqty kezdesýleri josparlanǵan.
«Ásirese, meni «Mýltırealızm úshin alıans» forýmy qyzyqtyryp otyr. Bul – eýropalyq baǵyttaǵy jańa tendentsııa jáne biz osy ózgeristerdi zertteýge, osy alıanstyń qyzmetine belsene qatysýǵa nıet bildirip otyrmyz», - dedi mınıstr.
Mıýnhen qaýipsizdik konferentsııasy – 1962 jyldan beri Germanııanyń Mıýnhen qalasynda jyl saıyn uıymdastyrylatyn alqaly jıyn. 1993 jylǵa deıin Hrıstıan-áleýmettik odaǵynyń uıymdastyrýymen áskerı máseleler konferentsııasy dep atalǵan. 1998 jyldan bastap – jıyndy Germanııa úkimeti qarjylandyryp keledi. Bıylǵy konferentsııa aqpannyń 14-16 kúnderi aralyǵynda ótedi.