Qasym-Jomart Toqaev myqty ǵalymdar tapshy salalardy atady
«Problemaly máselelerdiń biri zertteýler úshin qural-jadbyqtardyń jetkiliksizdigi bolyp otyr. Osy jyly meniń tapsyrammen ınstıtýttardy materıaldyq-tehnıkalyq jaraqtandyrý boıynsha jańa baǵdarlama ashyldy. Alaıda ol tolyq qarjylandyrylmaı otyr. Bul problemany sheshý qajet. Búginde áleýmettik, gýmanıtarlyq, aýyl sharýashylyǵy ǵylymdary boıynsha myqty ǵalymdardyń óte tapshy ekendigi baıqalady. Ony birlesken zertteýler júrgizýge jáne doktoranttar men magıstranttarǵa jetekshilik etý úshin jetekshi sheteldik ǵalymdardy tartý arqyly sheshýge bolady», - dedi Memleket basshysy.
QR Prezıdentiniń atap ótýinshe, mundaı tájirıbe naqty ári qomaqty nátıje ákelýi tıis.
«ІRi otandyq kásiporyndardyń, kompanııalardyń tehnologııalyq alańdaryn JOO-larmen jáne zertteý ınstıtýttarymen baılanystyrý da mańyzdy. Úkimetten jáne sarapshylardan tıisti usynys ázirleýdi ótinemin. Qazaqstan ǵylymynyń tsıfrlyq ekonıjúıesin qalyptastyrý, ulttyq ǵylymı-saraptamalyq júıeni, otandyq ǵalymdar bazasymen qazaqstandyq ǵylymı tsıtata keltirýdiń ındeksin qurý da mańyzdy. Memlekettik ákimshileý tıimdiligin arttyrý úshin salaaralyq úılestirýdi qamtamasyz etetin organ retinde Bilim jáne ǵylym mınıstrligin aıqyndaý qajet. Bul sharalar Parlament qabyrǵasynda qaralyp jatqan ǵylym týraly zańnamaǵa ózgerister toptamasynda kózdelýi tıis», - dep atap ótti Qasym-Jomart Toqaev.
