Qasym-Jomart Toqaev Mýn Chje Inge koreı halqy úshin qundy kitap syılady

NUR-SULTAN. QazAqparat - Búgin Aqordada QR Prezıdenti Qasym-Jomart Toqaev Koreıa Respýblıkasynyń Prezıdenti Mýn Chje Inge koreı halqy úshin qundy kitap syılady, dep habarlaıdy QazAqparat tilshisi.

"Sizderdiń tarıhtaryńyzdyń taǵy bir paraǵynan syr shertetin kitapty syıǵa tartqym keledi. Osynaý biregeı kitap 1937 jyly Qıyr Shyǵystan Qazaqstanǵa koreılerdi kúshtep kóshirgendigi jaıynda tereńirek bilýge múmkindik beredi dep oılamyn. Bul kitapta stalındik totalıtarlyq júıe kezeńindegi qaıǵyly oqıǵalarǵa qatysty sırek kezdesetin qujattar men sýretter jınaqtalǵan. Kitap 20 ǵasyrdyń 30-40 jyldaryndaǵy koreı halqynyń tarıhyn barynsha oı eleginen ótkizýge múmkindik beredi dep úmittenemin", - dep atap ótti Q.Toqaev týyndyny áriptesine syıǵa tartý barysynda.