Qasym-Jomart Toqaev: Meniń strategııalyq maqsatym – jemqorlyqtan taza qoǵam qurý

ASTANA. QazAqparat – Kezekten tys prezıdent saılaýynda Qasym-Jomart Toqaevtyń kandıdatýrasyn qoldaý jónindegi halyqtyq koalıtsııa forýmynda sóz sóılegen QR Prezıdenti óziniń strategııalyq maqsaty týraly aıtty, dep habarlaıdy QazAqparat tilshisi.

«Elimizdiń damýyna kedergi keltirip otyrǵan keseldiń biri – sybaılas jemqorlyq. Onymen kúresý – barshamyzǵa ortaq mindet. Bul baǵytta keıingi úsh jylda biraz sharýa atqaryldy. Mysaly, osyndaı qylmysy úshin sottalǵandardy merziminen buryn shartty túrde bosatýǵa tyıym salyndy. Budan bylaı olardan qaıtarylǵan qarajat mektep salýǵa jumsalady», - dedi Qasym-Jomart Toqaev.

Prezıdent jemqorlyqpen kúres tıimdi bolý úshin memlekettik satyp alý júıesine birqatar ózgeris engizilgenin atap ótti.

«Sondaı-aq, quzyrly organ basshylarynyń jaýapkershiligi artty. Bir sózben aıtqanda, jemqorlyqpen kúres eshqashan toqtamaıdy, jalǵasa beredi», - dedi Memleket basshysy.