Qasym-Jomart Toqaev memlekettiń basty mindetterin atady
NUR-SULTAN. QazAqparat - Qazaqstan Respýblıkasynyń Prezıdenti Qasym-Jomart Toqaev Twitter-paraqshasynda memlekettiń basty mindetterin jazdy, dep habarlaıdy QazAqparat.
***
«Memlekettiń basty mindeti – otandastarymyzdyń ıgiligi men turmys sapasyn qamtamasyz etý. Ádil básekeni damytý, shaǵyn jáne orta bıznesti qoldaý, memlekettik qoldaý sharalarynyń ashyqtyǵy – jańa ekonomıkalyq baǵyttyń negizgi qaǵıdalary.
Úkimet ulttyq valıýtanyń turaqty baǵamyn qamtamasyz etýge basymdyq berýge tıis. Teńgeni bekemdemeı jáne ınflıatsııany tómendetpeı, ornyqty ekonomıkalyq ósimge qol jetkizý, azamattardyń ál-aýqatyn arttyrý, ınvestorlardyń senimine ıe bolý múmkin emes. Óńirler arasyndaǵy damý alshaqtyǵyn eńserýge basa mán berý kerek. Jumyspen qamtý máselesin sheship, elimizdiń barlyq oblysynyń áleýmettik jáne mádenı damýyna jaǵdaı jasaý kerek. Aımaqtarda sheteldik jetekshi joǵary oqý oryndarynyń fılıaldary ashylady.
Jalpyhalyqtyq «Qazaqstan Halqyna» qory azamattardyń naqty problemalaryn sheshýge qyzmet etedi. Qor sırek kezdesetin aýrýǵa shaldyqqan balalardy emdeýge kómektesip, áleýmettik jáne mádenı nysandardyń qurylysyn qarjylandyrady. Almatyny qalpyna keltirýge qarjy bólinedi.
Memleketimizdiń tutastyǵyn, beıbitshilik pen kelisimdi birlesip saqtaı aldyq. Azamattarymyz ekstremıstermen kúreste patrıotızm men birliktiń úlgisin kórsetti. Elimiz damýdyń jańa kezeńine qadam basty. Bul – shynaıy jańarýdyń kezeńi. Tabysty ári órkendegen Qazaqstandy birge quramyz!»
Eske salsaq, buǵan deıin bul mindetter jeke -jeke berilgen bolatyn. Tolyqyraq www.inform.kz lentasynan.
