Qasym-Jomart Toqaev: Memleket sportqa árdaıym jan-jaqty qoldaý kórsetedi
NUR-SULTAN. QazAqparat - Qazaqstan Prezıdenti Qasym-Jomart Toqaev Aqtóbe oblysyna jumys sapary barysynda «Jekpe-jek» saraıyna bardy, dep habarlaıdy Aqordanyń baspasóz qyzmeti.
Memleket basshysy gımnastıkaǵa jáne basqa da jattyǵýlarǵa arnalǵan zaldardy aralap kórdi. Bul keshende boks, kúres, dzıýdo jáne ózge de sporttyń jekpe-jek túrlerinen halyqaralyq deńgeıdegi jarystar ótkizýge múmkindik bar.
Qasym-Jomart Toqaev qazaqsha kúresten jastar arasynda ótip jatqan óńirlik komandalyq týrnırge qatysýshylardyń beldesýlerin tamashalady.
Qazaqstan Prezıdenti tanymal sportshylarmen áńgimelesip, olarǵa jetistikteri úshin rızashylyq bildirdi. Memlekettiń árdaıym sportqa jan-jaqty qoldaýy kórsetetinin jetkizdi.
