Qasym-Jomart Toqaev «Lýkoıl» kompanııasynyń prezıdentimen kezdesti

NUR-SULTAN. QazAqparat – Memleket basshysy Qasym-Jomart Toqaev reseılik «Lýkoıl» munaı kompanııasynyń prezıdentimen kezdesti, dep habarlaıdy Aqordanyń baspasóz qyzmeti.

Kezdesý barysynda Vagıt Alekperov Qasym-Jomart Toqaevqa kompanııanyń Qazaqstandaǵy júzege asyryp jatqan jobalary týraly aıtty. Olar munaı-gaz salasyndaǵy ózara yqpaldastyqtyń keleshegin talqylady.

Qazaqstan Prezıdenti elimizdiń energetıka sektoryn damytý isindegi «Lýkoıl» kompanııasynyń úlesin joǵary baǵalady.

– «Lýkoıl» – bizdiń strategııalyq ınvestıtsııalyq seriktesimiz. Qazaqstannyń Tuńǵysh Prezıdenti – Elbasy Nursultan Nazarbaev sizdiń kompanııamen aradaǵy yntymaqtastyqty damytýǵa erekshe mán berdi. Biz uzaq ýaqyttan beri bir-birimizdi bilemiz. Sondyqtan osy jemisti yntymaqtastyqtyń tabysty bolatyny sózsiz dep oılaımyn, – dedi Memleket basshysy.