Qasym-Jomart Toqaev: Quqyq qorǵaý júıesiniń basty mindeti - halyqtyń senimine ıe bolý
NUR-SULTAN. QazAqparat - Sýdıalardyń joǵary kásibı jáne adamgershilik talaptaryna saı bolýy - úlken mindet. Bul týraly Táýelsizdik saraıyndaǵy ulyqtaý rásiminde Qazaqstan Prezıdenti Qasym-Jomart Toqaev málim etti, dep habarlaıdy QazAqparat tilshisi.
Sot jáne quqyq qorǵaý júıesin reformalaý baǵytyna toqtalǵan Memleket basshysy, «Sot - zań ústemdiginiń kepili. Sondyqtan sýdıalar joǵary kásibı jáne adamgershilik talaptaryna saı bolýy - bul úlken mindet», - dep atap ótti.
Osy oraıda Prezıdent sýdıalar men osy qyzmetke úmitkerlerdi baǵalaý jáne irikteý júıesin qatańdatý qajet ekendigine erekshe toqtaldy.
«Sot ádildiktiń sońǵy shegi bolýy tıis. Quqyq qorǵaý júıesiniń basty mindeti - halyqtyń senimine ıe bolý», - dedi Q. Toqaev.
