Qasym-Jomart Toqaev Kýba jáne Ulybrıtanııa elshilerin qabyldady
ASTANA. QazAqparat - Parlament senatynyń tóraǵasy Qasym-Jomart Toqaev jeke ótinishteri boıynsha Kýba elshisi Emılıo Pýpo men Ulybrıtanııa elshisi M.Gıffordty qabyldady, dep habarlaıdy QazAqparat Senattyń baspasóz qyzmetine silteme jasap.
Kýba elshisi naýryzda ótken saılaýdyń qorytyndysymen bólisti. Saılaý nátıjesinde Halyq bıligi Ulttyq assambleıasynyń jańa quramy jasaqtalyp, jańa tóraǵa men Memlekettik keńestiń músheleri taǵaıyndalǵan bolatyn.
Taraptar ıadrolyq qarýdy taratpaý jáne qarýsyzdandyrý úshin parlamentarııler odaǵy assambleıasynyń aıasynda parlamentaralyq qarym-qatynasty kúsheıtýge zor múmkindikter baryn erekshe atap ótti.
Q. Toqaev Ulybrıtanııa men Soltústik Irlandııa elshisi Maıkl Gıffordpen kezdesý barysynda eki el arasyndaǵy dıplomatııalyq baılanystyń nyǵaıatynyna senim bildirdi. Qazaqstan Ulybrıtanııany mańyzdy saýda-ınvestıtsııalyq seriktes retinde qarastyryp otyrǵanyn jáne qos memlekettiń parlamentteri arasyndaǵy saıası qarym-qatynasty damytýǵa nıetti ekenin erekshe atap ótti.
Senat tóraǵasy Ulybrıtanııa elshisine parlamenttiń ótken sessııasynda júrgizilgen jumysynyń qorytyndysy jaıly áńgimeledi. Sessııa nátıjesinde 84 zańnamalyq akti qabyldanǵan bolatyn.
