Qasym-Jomart Toqaev QR Parlamenti Senaty Bıýrosynyń otyrysyn ótkizdi
ASTANA. QazAqparat - 23 aqpanda Qasym-Jomart Toqaev Qazaqstan Respýblıkasy Parlamenti Senaty Bıýrosynyń otyrysyn ótkizdi, onda Májilisten túsken zań jobalary qaraldy.
Ekonomıkalyq saıasat, ınnovatsııalyq damý jáne kásipkerlik komıteti «2010 jylǵy 9 jeltoqsandaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Qazaqstan Respýblıkasyna munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly kelisimge ózgeris engizý týraly hattamany ratıfıkatsııalaý týraly»; «Halyqaralyq áýe tasymaldarynyń keıbir qaǵıdalaryn birizdendirýge arnalǵan konventsııany ratıfıkatsııalaý týraly» jáne «Qazaqstan Respýblıkasynyń keıbir zańnamalyq aktilerine tabıǵı monopolııalar jáne retteletin naryqtar máseleleri boıynsha ózgerister men tolyqtyrýlar engizý týraly» zań jobalaryn odan ári pysyqtaý jáne qorytyndy ázirleý úshin jaýapty bolyp belgilendi.
Bıýroda sondaı-aq Qazaqstan Respýblıkasy Joǵarǵy Sotynyń sýdıalaryn bosatý jáne saılaý, Táýelsiz Memleketter Dostastyǵynyń Ekonomıkalyq Sotynyń sýdıasyn bosatý týraly másele de qaraldy. Konstıtýtsııalyq zańnama, sot júıesi jáne quqyq qorǵaý organdary komıteti Qazaqstan Respýblıkasynyń Prezıdenti usynǵan kandıdatýralardy talqylap, olar boıynsha qorytyndylar ázirleý tapsyryldy.
Bıýro otyrysy barysynda Palatanyń 2015 jylǵy 26 aqpandaǵy kezekti otyrysynyń kún tártibine usynys engizildi. Senatorlar Qazaqstan Respýblıkasy Joǵarǵy Sotynyń sýdıalaryn bosatý jáne saılaý, TMD Ekonomıkalyq Sotynyń sýdıasyn bosatý týraly máselelerdi; sondaı-aq: «Qazaqstan Respýblıkasynyń Úkimeti men Makedonııa Respýblıkasynyń Úkimeti arasyndaǵy Tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly kelisimdi ratıfıkatsııalaý týraly»; «Qazaqstan Respýblıkasy men Halyqaralyq Qaıta Qurý jáne Damý Banki (energııa tıimdiligin arttyrý jáne jastar birlestikterin damytý baǵdarlamasy úshin bir donordyń Trast qory ákimshisi retinde áreket etýshi) arasyndaǵy Grant týraly kelisimdi (Energııa tıimdiligin arttyrý jobasy) ratıfıkatsııalaý týraly»; «Eýrazııalyq ekonomıkalyq komıssııanyń básekelestiktiń biryńǵaı qaǵıdalarynyń saqtalýyn baqylaý jónindegi ókilettikterdi júzege asyrýy kezinde qupııa aqparatty qorǵaý tártibi jáne ony jarııa etkeni úshin jaýaptylyq týraly kelisimdi ratıfıkatsııalaý týraly» jáne «Qazaqstan Respýblıkasynyń keıbir zańnamalyq aktilerine áleýmettik-eńbek salasyndaǵy memlekettik kórsetiletin qyzmetterdi ońtaılandyrý jáne avtomattandyrý máseleleri boıynsha ózgerister men tolyqtyrýlar engizý týraly» zań jobalaryn qaraýdy josparlady.
