Qasym-Jomart Toqaev Koreı túbegindegi jaǵdaı týraly pikir bildirdi
ASTANA. QazAqparat - QR Parlament Senatynyń spıkeri Qasym-Jomart Toqaev KHDR men Koreıa Respýblıkasy arasynda baıqalǵan ózara áreketterge oń baǵa berdi, dep habarlaıdy «QazAqparat» HAA.
«Eki el arasyndaǵy baılanys jelisiniń qalpyna kelýi túbektegi jaǵdaıdyń damýynyń jaqsy betalysyn kórsetedi. Mazasyzdyq báseńdeıdi degen de úmit bar. HOK KHDR sporshylarynyń Ońtústik Koreıadaǵy Olımpıadaǵa barýyna qoldaý bildirdi, bul durys sheshim»,-dep jazdy Qasym-Jomart Toqaev óziniń Twitter paraqshasyna.
