Qasym-Jomart Toqaev: «Kóregen basshy eldi ósiredi»
ASTANA. QazAqparat - Elbasy joldaýy - halqymyzdyń qajettiligin qanaǵattandyratyn tarıhı qujat. Memleket basshysynyń «Prezıdenttiń bes áleýmettik bastamasy» atty halyqqa Úndeýine baılanysty Parlament Senatynyń spıkeri Qasym-Jomart Toqaev osyndaı pikir bildirdi, dep habarlaıdy QazAqparat.
«Elbasynyń basty áleýmettik máseleler jónindegi Joldaýyn talqylaǵan kezde «Kóregen basshy eldi ósiredi» degen halyqtyń dana sózi eriksiz eske oralady. Bul Joldaý rasynda halqymyzdyń qajettiligin qanaǵattandyratyn tarıhı qujat» dep jazady Senat Tóraǵasy Tvıtterde.
Buǵan deıin Qasym-Jomart Toqaev «Elbasynyń áleýmettik negizgi 5 máseleni sheshý jónindegi Joldaýy Qazaqstan memlekettigin damytý jolyndaǵy erekshe tarıhı kezeń. Joldaý halqymyzdyń múddesimen úndes keledi» dep jazǵan bolatyn.
Aıta keteıik, keshe Parlament palatalarynyń birlesken otyrysynda Elbasy N.Nazarbaev «Prezıdenttiń bes áleýmettik bastamasy» atty Úndeýin jarııalady.
