Qasym-Jomart Toqaev qoqys úıindileri týraly: Júıeli jumys qajet
«Eldi mekender mańyndaǵy beı-bereket qoqys úıindisi máseleleri sheshilmeı otyr. Júrgizilgen túrli reıdter, salynǵan aıyppuldar, ekologııalyq aılyqtar az ǵana nátıje berdi. Munda Ekologııa mınıstrligi tarapynan júıeli jumys qajet», - dedi Qasym-Jomart Toqaev Úkimettiń keńeıtilgen otyrysynda.
Sonymen birge, Prezıdent Úkimetke «Waste to energy» tehnologııasyn engizý úshin qolaıly ınvestıtsııalyq jaǵdaımen jáne zańnamalyq negizben jedel qamtamasyz etýdi tapsyrdy.
«Mektepterde balalardyń ekologııalyq saýaty pánin engizý kerek», - dep tapsyrma berdi Memleket basshysy.
Eske sala ketsek, Qasym-Jomart Toqaevtyń tóraǵalyǵymen Úkimettiń keńeıtilgen otyrysy beınebaılanys júıesi arqyly ótti.
Jıynda Úkimet 2020 jyldyń alǵashqy jarty jyldyǵyndaǵy elimizdiń áleýmettik-ekonomıkalyq damý qorytyndysy týraly esep berdi. Sondaı-aq koronavırýsqa qarsy kúreske qatysty qabyldanǵan sharalar, Memleket basshysynyń Úkimettiń aldaǵy ýaqytta atqaratyn jumysynyń negizgi baǵyttary boıynsha bergen tapsyrmalary men mindetteri qarastyryldy.
