Qasym-Jomart Toqaev kókeıindegi armanyn aıtty

ASTANA. QazAqparat – Túrkistanda ótip jatqan Ulttyq quryltaıdyń «Ádiletti Qazaqstan – Adal azamat» atty ekinshi otyrysynda Prezıdent Qasym-Jomart Toqaev kókeıindegi armanyn aıtty, dep habarlaıdy QazAqparat tilshisi.

«Martın Lıýter Kıng sııaqty meniń de kókeıimde júrgen bir arman bar, bul – táýlik boıy jumys isteıtin Prezıdent kitaphanasyn ashý. Men mundaı kitaphanany Ankarada kórdim. Onyń oqyrmandary álemniń ár túkpirinde basylyp shyqqan kórkem shyǵarmalardy, arnaýly ádebıetti oqı alady. Mundaı kitaphanany elimizde de salýǵa bolady dep oılaımyn. Jaqynda Májilis depýtaty Erlan Saırov qazaq mádenıetin TikTok platformasynda nasıhattaý joldary qarastyrylyp jatqanyn aıtty. Men muny qoldaımyn. Jastar jıi paıdalanatyn áleýmettik jelilerde ulttyq qundylyqtarymyzdy dáripteý – durys qadam», - dedi Qasym-Jomart Toqaev.