Qasym-Jomart Toqaev kıikterdiń qyrylý máselesin kóterdi
Senat tóraǵysy Qasym-Jomart Toqaevtyń aıtýynsha, búginde Qazaqstandaǵy bıoalýandylyqty saqtaý máselesine tıisti dárejede kóńil bólinbeı otyrǵandyqtan, keıbir ósimdikter men janýarlardyń múldem joıylyp ketý qaýpi bar.
«Máselen, ótken jyly mamyr aıynda kıikterdiń qyrylý oqıǵasy áli esimizde. Sol kezde kıikter sanynyń 90 paıyzy qyryldy. Bul oqıǵany, soraqy faktini ekologııalyq apatpen teńestirýge bolady. Osy jumysqa jaýapty memlekettik organdar kıikterdiń jappaı qyrylý sebebin tek el basshylyǵynyń tikeleı tapsyramasynan keıin ǵana anyqtaı bastady. Sonda kıikterdi qyrylýyna bakterıologııalyq ınfektsııa sebep boldy degen qorytyndy jasaldy. Búginde biz osy nusqany ustanyp otyrmyz. Degenmen, birqatar uıymdar ol qorytyndymen kelispeı jatyr. Olar múldem basqa sebepterdi alǵa tartýda», - dedi Senat tóraǵasy.
Aýyl sharýashylyǵy mınıstri Asqar Myrzaxmetovtyń sózine qaraǵanda, buǵan deıin kıikterdiń sany 21 myńnan 295 myń basqa deıin ósken bolatyn. Alaıda, ótken jyly bolǵan jaǵdaıǵa baılanysty kıikterdiń sany kúrt tómendep, 108 myńǵa deıin azaıǵan.
«Kıikter sanyna brakonerlerlik faktiler de áser etýde. Bul da jasyryn emes. Búginde jabaıy janýarlarlyń sırek kezdesetin jáne joıylyp bara jatqan túrleri men kıikterdi qorǵaý jumysymen «OHOT-Zooprom» arnaıy uıymy aınalysady. Bul TMD aımaǵyndaǵy birden-bir júıe ekenin atap ótý kerek. Monıtorıng uıymdastyrý úshin kıikterdi spýtnıktik radıomaıaktarmen tańbalaý qoldanýda. Qolǵa alynǵan sharalardyń arqasynda kıik sanynyń kóbeıip jatqanyn jetkizgim keledi», - dep atap kórsetti A.Myrzaxmetov.
Aıta keteıik, búginde álem boıynsha kıikterdiń 95 paıyzy Qazaqstanǵa tıesili.