Qasym-Jomart Toqaev QHR Tóraǵasynyń orynbasary Van Tsıshanmen kezdesti
QHR Tóraǵasynyń orynbasary Van Tsıshanmen áńgimelesý barysynda Memleket basshysy Qytaıdyń AÓSShK sammıtine osyndaı joǵary deńgeıde qatysýy bizdiń orasan zor kontınentte beıbitshilikti, turaqtylyq pen qaýipsizdikti saqtaý jolyndaǵy ózara senimge negizdelgen seriktestikti nyǵaıtýǵa eleýli úles qosatynyn atap ótti.
Qasym-Jomart Toqaev keńesti tolyqqandy halyqaralyq uıymǵa aınaldyrý jónindegi Qazaqstannyń bastamasyn qoldaǵany úshin Qytaı tarapyna rızashylyǵyn bildirdi.
Kezdesýde Tóraǵa Sı Tszınpınniń ótken aıda Qazaqstanǵa jasaǵan memlekettik saparynyń qorytyndysy boıynsha qol jetkizilgen ýaǵdalastyqtardyń júzege asyrylý barysy talqylandy.
Óz kezeginde Van Tsıshan Qasym-Jomart Toqaevqa QHR Tóraǵasy Sı Tszınpınniń sálemin jetkizdi jáne Qytaı men Qazaqstannyń saýda-ekonomıkalyq, ınvestıtsııalyq, kólik-logıstıkalyq, mádenı-gýmanıtarlyq salalardaǵy, ónerkásip kooperatsııasy men tsıfrlandyrý baǵytyndaǵy ekijaqty qatynastary qarqyndy damyp kele jatqanyn atap ótti.
Van Tsıshan eki el arasyndaǵy qarym-qatynas máńgilik dostyq pen ózara senim rýhynda damyp kele jatqanyn aıtty. Qytaı delegatsııasy basshysynyń aıtýynsha, Sı Tszınpınniń Qazaqstanǵa sapary barysynda qol jetkizilgen ýaǵdalastyqtar sátti júzege asyp keledi.
Sonymen qatar, olar óńirlik jáne jahandyq kún tártibindegi ózekti máseleler jóninde pikir almasty.
Foto: akorda.kz
