Qasym-Jomart Toqaev QHR elshisin qabyldady
ASTANA. QazAqparat - Parlament Senatynyń Tóraǵasy Qasym-Jomart Toqaev Qazaqstandaǵy dıplomatııalyq mıssııasynyń aıaqtalýyna baılanysty QHR Elshisi Chjan Hanhýeıdi qabyldady, dep habarlaıdy Parlamenti Senatynyń baspasóz qyzmeti.
Q.Toqaev Qazaqstan men QHR arasyndaǵy strategııalyq áriptestikti nyǵaıtýdaǵy memleket basshylary Nursultan Nazarbaev pen Sı Tszınpınniń mańyzdy rólin atap ótti.
Q.Toqaev keıingi jyldary nátıjeli ári qarqyndy sıpatqa ıe bolǵan parlamentaralyq baılanystardy ekijaqty qatynastardyń mańyzdy quramy retinde atady.
Parlamenttiń joǵarǵy Palatasynyń basshysy únqatysýdyń jalǵasatynyna senim bildirdi jáne Halyq Ókilderiniń Búkilqytaı Jınalysy Turaqty komıtetiniń Tóraǵasy Lı Chjanshýdy bizdiń elimizge saparmen kelýge shaqyrdy.
Senat Tóraǵasy saýda-ekonomıkalyq baılanystardy odan ári nyǵaıtýdyń jáne ónerkásip, aqparat tehnologııalary, qurylys salalaryndaǵy birlesken jobalardy iske asyrýdyń keleshegin joǵary baǵalady.
Ulttyq «Nurly jol» jáne Qytaıdyń «Jibek joly ekonomıkalyq beldeýi» bastamasynyń úılesim tabýy aıasynda eki eldiń kólik-tranzıt áleýetin paıdalaný aýqymdy múmkindikter týǵyzady.
Q.Toqaevtyń pikirinshe, eki el basshylarynyń bıylǵy maýsymda ShYU aıasyndaǵy Tsındaoda bolatyn kelissózderiniń mańyzy zor bolady.
