Qasym-Jomart Toqaev: Qazaqtardyń taǵdyryn tek ózimiz ǵana sheshemiz

NUR-SULTAN. QazAqparat – Memleket basshysy Qazaqstan halqyna amandyq tilep, el taǵdyryn óz qolymyzda ekenin eske saldy, dep habarlaıdy QazAqparat tilshisi.

QR Prezıdenti Qasym-Jomart Toqaevtyń Qazaqstan ulttyq telearnasyna bergen suhbaty sońynda Qazaqstan halqyna, kórermenderge, jurtshylyqqa ne aıtasyz? degen saýal qoıyldy.

«Rasynda, búgin jaqsy, mazmundy suhbat boldy dep oılaımyn. Halyqqa aıtarym, bul dúnıede qazaqtardyń taǵdyryn tek ózimiz ǵana sheshemiz. Biz úshin jalǵyz ǵana memleket bar, bul – Qazaqstan. Bul – bizdiń qasıetti Otanymyz. Basqa Otanymyz joq. Otanyn qorǵaý, halqynyń amandyǵyn saqtaý – ár azamattyń boryshy. Osyny umytpaýymyz kerek. Qazaq eli jasaı bersin!», - dedi Memleket basshysy.