Qasym-Jomart Toqaev: Qazaqstandyq barlyq ınternet-resýrstar tegin bolýy tıis
NUR-SULTAN. QazAqparat - Qazaqstandyq barlyq ınternet-resýrstardyń qoljetimdiligi tegin bolý tıis. Bul týraly Aqordada Tótenshe jaǵdaı jónindegi memlekettik komıssııanyń otyrysyn ótkizgen QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Karantın engizilýine baılanysty biz halyqty úılerinde bolýǵa shaqyrdyq. Qashyqtan jumys isteý adamdardy mobıldi tehnologııalardy barynsha belsendi paıdalanýyna túrtki bolady. Osyǵan oraı tótenshe jaǵdaı rejımi kezinde mobıldi baılanys pen ınternetke, ásirese, bilim berý resýrstaryna, áleýmettik jeliler men messendjerlerge qoljetimdilikti keńeıtýdi tapsyramyn», - dedi Qazaqstan Prezıdenti.
Memleket basshysy tótenshe jaǵdaı rejımi kezinde qaryz paıda bolǵan kezdiń ózinde baılanys qyzmetterin usyný jalǵasa berýi kerektigin basa aıtty.
«Qazaqstandyq barlyq ınternet-resýrstardyń qoljetimdiligi tegin bolý tıis. Buǵan deıin men karantın kezeńinde halyqqa kommýnaldyq qyzmetter tólemin tómendetý boıynsha tapsyrma bergen edim. Almaty jedel áreket etip, tıisinshe sheshim qabyldady. Endi Memlekettik komıssııa jalpyrespýblıkalyq júıeli sharalar ázirleýi qajet. Tolyqtaı alǵanda, Qazaqstan halqy bizden osynaý sharalardy kútip otyr. Búgin azamattarǵa meniń tapsyrmalarymdy tanystyrýǵa jáne olardy júzege asyrýǵa shuǵyl kirisýi tıis», - dedi Qasym-Jomart Toqaev.
