Qasym-Jomart Toqaev Qazaqstanda fılıalyn ashatyn reseılik ýnıversıtetterdi atady
«Qazaqstanda barshanyń aýzynda júrgen joǵary oqý oryndarynyń fılıaldary ashylady. Bul – Máskeý ınjenerlik-fızıkalyq ınstıtýty, I.M.Gýbkın atyndaǵy Reseı memlekettik munaı jáne gaz ýnıversıteti, N.E.Baýman atyndaǵy Máskeý memlekettik tehnıkalyq ýnıversıteti. Bul bilim salasyndaǵy ózara qoldaýdyń óte salmaqty ilgerileýi dep esepteımin», - dedi Qazaqstan Prezıdenti reseılik áriptesi Vladımır Pýtınmen ótken kelissózderden keıingi birlesken málimdeme kezinde.
Aıta keteıik, Reseı Federatsııasynyń astanasynda QR Prezıdenti Qasym-Jomart Toqaev pen RF Prezıdenti Vladımır Pýtın kelissóz júrgizdi.
Memleket basshysynyń Reseıge jumys sapary aıasynda birqatar qujatqa qol qoıyldy. Onyń ishinde «Halyqaralyq baǵdarlamalar ortalyǵy» AQ-nyń reseılik 6 JOO-men yqpaldastyq týraly memorandýmy bar.
