Qasym-Jomart Toqaev Qazaqstanda BUU Ornyqty damý ortalyǵyn qurýdy usyndy
«Qazaqstannyń kópjaqty qurylymdarǵa múshe bolýyn qaýipsizdik pen ósip-órkendeýdiń tıimdi tetigi retinde qarastyramyz. Bıyl men Birikken Ulttar Uıymy minberinen Qazaqstan Prezıdenti retinde alǵash ret sóz sóıledim.
Bas hatshymen júzdesip, Qazaqstan men Ulttar Uıymy senimdi seriktes ekenin rastadyq», - dep atap ótti Prezıdent Qazaqstanda akkredıttelgen shet elderdiń dıplomatııalyq mıssııalarynyń basshylarymen kezdesýde.
Sonymen birge, Memleket basshysy mamyr aıynda Qazaqstanda Halyqaralyq uıymdardyń jańa ǵımaraty ashylǵanyn eske saldy. Munda ǵalamdyq Uıymnyń 16 agenttigi jumys isteıdi.
«Endi, osy ǵımaratta Birikken Ulttar Uıymynyń Ornyqty damý maqsattary jónindegi ortalyǵyn ashýdy usynamyz. Oǵan Ortalyq Azııa elderine jáne Aýǵanstanǵa qoldaý kórsetý mandatyn berýge shaqyramyz. ıAdrolyq qarýsyz álemge qol jetkizý Qazaqstannyń negizgi basymdyǵy retinde saqtalady. Osy rette, dúnıejúzilik qaýymdastyq múshelerin ıAdrolyq qarýdan azat álem qurý týraly jalpyǵa ortaq deklaratsııany qoldaýǵa úndeımiz», - dedi Qasym-Jomart Toqaev.
