Qasym-Jomart Toqaev «Qazaqstan temir joly» kompanııasynyń basshysyn qabyldady

NUR-SULTAN. QazAqparat - Qazaqstan Prezıdenti Qasym-Jomart Toqaev «Qazaqstan temir joly» kompanııasynyń basshysyn qabyldady, dep habarlaıdy Aqordanyń baspasóz qyzmeti.

Memleket basshysy «Qazaqstan temir joly» UQ» AQ basqarma tóraǵasy Saýat Myńbaevpen elimizdiń temirjol salasynyń qazirgi jaǵdaıy men keleshegin talqylady.

Basqarma tóraǵasy Qazaqstan Prezıdentine kompanııanyń 2019 jyldyń alǵashqy toqsanyndaǵy jumys nátıjelerin, osy jylǵa josparlary men salalyq Jol kartasynyń júzege asyrylýdaǵy negizgi baǵyttary týraly málimet berdi.

Qasym-Jomart Toqaev temirjol tasymalyn damytý boıynsha sharalar qabyldaý qajettigin aıtty. Prezıdent qazirgi basty maqsat retinde temir joldardy odan ári modernızatsııalaý, elimizdiń kólik-logıstıka jáne tranzıttik áleýetin arttyrý ekenin atady.

Memleket basshysy kezdesý sońynda birqatar naqty tapsyrmalar berdi.