Qasym-Jomart Toqaev Qazaqstan televızııasyn 60 jyldyǵymen quttyqtady
ASTANA. QazAqparat - QR Parlamenti Senatynyń Tóraǵasy Qasym-Jomart Toqaev Týıtterdegi paraqshasynda jýrnalısterdi Qazaqstan televızııasynyń 60 jyldyǵymen quttyqtady, dep habarlaıdy QazAqparat.
«Qazaq televızııasyna 60 jyl! Aıtýly data! Jýrnalısterdi, televızııa salasyndaǵy barlyq qyzmetkerlerdi shyn júrekten quttyqtaımyn jáne alǵys bildiremin. Otanymyzdyń ıgiligi jolynda tabysty jumys tileımin!» - dep jazdy ol.
Eske sala keteıik, keshe Qazaq televızııasynyń 60 jyldyǵyna oraı ótkizilgen saltanatty sharada «Tumar» ulttyq televızııalyq báıgesiniń nomınanttary belgili boldy.
Saltanatty rásimde QR Memlekettik hatshysy Gúlshara Ábdiqalyqova Elbasy Nursultan Nazarbaevtyń quttyqtaýyn oqyp berdi.
«Qazaq televızııasynyń habar tarata bastaǵanyna 60 jyl tolýymen quttyqtaımyn. Búginde qoǵam ómiriniń tynys-tirshiligin teledıdarsyz kózge elestetý qıyn. Sondyqtan, bul otandyq televızııanyń myńdaǵan qyzmetkerlerin ǵana emes, qazaqstandyqtardyń ortaq mereıli merekesi dep aıtýǵa bolady», - delingen Memleket basshysynyń quttyqtaýynda.
Qazaq televızııasyna 60 jyl! Aıtýly data! Jýrnalısterdi, televızııa salasyndaǵy barlyq qyzmetkerlerdi shyn júrekten quttyqtaımyn jáne alǵys bildiremin. Otanymyzdyń ıgiligi jolynda tabysty jumys tileımin!
— Kassym-JomartTokayev (@TokayevKZ) 17 marta 2018 g.
