«Qasym-Jomart Toqaev. Qazaqstan Respýblıkasy Prezıdentiniń tańdamaly eńbekteri» kitaby tanystyryldy
«Búgingi dóńgelek ústel Konstıtýtsııa kúnine arnalyp otyr. Konstıtýtsııaǵa sáıkes, Prezıdent negizgi zań myzǵymastyǵynyń sımvoly ári kepili sanalady. Bul kitap Qazaqstan – nemis ýnıversıtetiniń Halyqaralyq jáne aımaqtyq yntymaqtastyq ǵylymı-zertteý ınstıtýty tarapynan ázirlengen. Kitapty basyp shyǵarýǵa memlekettik bıýdjetten bir teńge de alynbaǵanyna nazar aýdartqym keledi. Kitap jekemenshik joǵary oqý tarapymyzdan demeýshilik qoldaý esebinen ázirlendi. Kitap bıznes joba emes, satýǵa da arnalmaǵan. Ol ǵylymı ınstıtýttar men bilim berý mekemeleriniń kitaphanalaryna beriledi», - dedi basylymnyń jaýapty redaktory Halyqaralyq jáne aımaqtyq yntymaqtastyq ǵylymı-zertteý ınstıtýty dırektory Bolat Sultanov.
Onyń atap ótýinshe, Konstıtýtsııada elimizdi basqarýdyń prezıdenttik formasy bekitilgen.
«Túrik kóshbasshysy Erdoǵan elinde parlamenttik respýblıkadan prezıdenttik respýblıkaǵa kóshýdi júzege asyrdy. Qyrǵyzstanda da respýblıka prezıdenttikpen parlamenttikke, odan keıin qaıtadan prezıdenttikke transformatsııa jasaldy. Bul mysaldar kúrdeli saıası jaǵdaıda myqty prezıdenttik bılik jáne soǵan oraı Prezıdenttiń halyq pen memleket aldyndaǵy jeke jaýapkershiligi ishki saıası aýaldy turaqtandyrýǵa ári eldiń óńiregindegi syrtqy saıası jaǵdaıdy túbegeıli ózgertýge múmkindik beretindigin dáleldeıdi», - dedi ol.
