Qasym-Jomart Toqaev: Qazaqstan prezıdenttik respýblıka bolyp qala beredi
NUR-SULTAN. QazAqparat – Memleket basshysy Qasym-Jomart Toqaev «Qazaqstan prezıdenttik basqarý júıesinde qala beretinin málim etti, dep habarlaıdy QazAqparat tilshisi.
«Qazaqstan jalpy demokratııalyq memleket. Mazmuny jaǵynan zańdarymyz da demokratııalyq sıpatqa ıe. Bizdegi kóptegen fakt basqa memleketterge qaraǵanda (qaısysy ekenin suramaı-aq qoıyńyz – Q.T) Qazaqstannyń demokratııalyq el ekenin aıǵaqtaıdy. Alaıda kemeldikte shek joq. Sol sebepti, men óz baǵdarlamamda, 2 qyrkúıektegi halyqqa Joldaýymda «biz qoǵamnyń saıası jańǵyrýyn jalǵastyratynymyzdy, saıası reformalardyń ekonomıkany damytýdyń múmkin emestigin» atap óttim. Qazaqstan prezıdenttik basqarý júıesinde, prezıdenttik respýblıka bolyp qalady», - dedi Prezıdent «Deutsche Welle» teleradıokompanııasyna bergen suhbatynda.
Memleket basshysy tilshige «Myqty Prezıdent, yqpaldy Parlament, halyq pen Parlamentke tolyqqandy esep beretin Úkimet» formýlasyn tańdaǵanyn atap ótti.
«Osy formýlaǵa yntalana bererimiz anyq», - dedi ol.
Eske sala ketsek, buǵan deıin Memleket basshysy Qasym-Jomart Toqaevtyń 5-6 jeltoqsan kúnderi Germanııaǵa memlekettik sapary qarsańynda Deutsche Welle basylymyna suhbat bergenin habarlaǵan bolatynbyz.
Aıta ketsek, Ulttyq qoǵamdyq senim keńesiniń alǵashqy otyrysynda Memleket basshysy Qasym-Jomart Toqaev óziniń memlekettik bıliginiń formýlasynaıtqan edi.
