Qasym-Jomart Toqaev: Qazaqstan men Ózbekstannyń órkendeýi Ortalyq Azııadaǵy damýdyń mańyzdy faktory
ASTANA. QazAqparat - QR Parlamenti Senatynyń Tóraǵasy Qasym-Jomart Toqaev Qazaqstan men Ózbekstannyń órkendeýin Ortalyq Azııadaǵy qaýipsizdik pen turaqty damýdyń mańyzdy faktory retinde qarastyrady. Bundaı pikirdi Senat spıkeri óziniń FB-daǵy paraqshasynda jazdy, dep habarlaıdy QazAqparat.
Eske sala keteıik, Senat Tóraǵasy Qasym-Jomart Toqaev jetekshilik etken parlamenttik delegatsııa Ózbekstanǵa resmı saparmen barǵan bolatyn.
«Ózbek Parlamenti basshylyǵymen parlamentaralyq dıalogty jáne zań shyǵarýshylyq qyzmet salasyndaǵy yntymaqtastyqty damytý suraqtary talqylandy. Ózbekstan Olıı Májilisi SenatynyńTóraǵasy Nıgmatýlla ıÝldashevty Qazaqstanǵa resmı saparmen kelýge shaqyrdym. Ózbekstan Respýblıkasynyń Prezıdenti Shavkat Mırzıeevpen kezdestim. Qazaqstan men Ózbekstan Prezıdentteriniń nıettestik turǵysyndaǵy kúsh-jigeri arqasynda ekijaqty qatynastarda bıyl jemisti jyl boldy. Qazaqstannyń da, Ózbekstannyń da turaqtylyǵy men ósip-órkendeýi Ortalyq Azııadaǵy qaýipsizdik pen turaqty damýdyń mańyzdy faktory bolyp otyr», - dep jazady Senat spıkeri áleýmettik jelidegi paraqshasynda.
